Top Channel/Faza e dytë e regjistrimeve.Afati për klasat e para dhe të dhjeta përfundon në 30 gusht

Edhe pse Ministrja e Arsimit në një status në Facebook pranoi se prindërit nuk kanë kryer regjistrimet për në klasë të parë ose të dhjetë online për arsye teknike, sërish njoftoi se do të ketë një fazë të dytë aplikimi përmes portalit e-albania. Në fazën e parë pati vetëm 5580 aplikime për në klasë të parë dhe 7343 aplikime për në gjimnaz, e për shkak të numrit të ulët të regjistrimeve ministria e arsimit njoftoi rihapjen e portalit e-albania për regjistrimet në shkolla edhe përgjatë periudhës 15 gusht deri në 30 gusht. Por a do të ndryshojnë qasje këtë herë prindërit për metodën e re të regjistrimit të fëmijëve të tyre në institucionet arsimore?