Për të parën herë në 18 vjet, Facebooku po përballet me një rënie të përdoruesve aktivë. Meta, kompania amë e gjigandit teknologjik thonë se numri i këtyre përdoruesve ra në 1.929 miliard në tremujorin e fundit te 2021-shit, krahasuar me 1.930 miliard që ishte në tremujorin paraprak. Facebooku do të përballet sakaq dhe më reduktim të fitimeve, pasi gara me rivalë të tjerë si TikTok dhe YouTube është ashpërsuar, duke qenë se reklamuesit janë duke zvogëluar shpenzimet. Menjëherë pas këtij njoftimi, vlera e aksioneve të Meta-s ra me 20 për qind, që në para përkthehet 200 miliardë dollarë. rënie të vlerës së aksioneve pësuan edhe platforma të tjera sociale si Tëitter, Snap dhe Pinterest. Kreu i Meta-s, Mark Zuckerberg e pranoi se rritja e kompanisë është dëmtuar, pasi ndjekësit, sidomos të rinjtë, kanë nisur të kalojnë tek rivalët. Facebookun duket e kanë dëmtuar edhe ndryshimet për privatësi në sistemin operativ të pajisjeve të kompanisë, që ua vështirësojnë procesin e shënjestrimit dhe matjes së efektit të reklamave të tyre në këtë rrjet dhe në Instagram.