Nga 2016 Enti Rregullator i Energjisë tarifën e shitjes së energjisë për klientët fundorë e ka mbajtur në 9.5 lekë kW/H, por kriza e re e energjisë mund të detyrojë institucionin ta rregullojë atë. Në Itali dhe Greqi çmimi i energjisë elektrike është rritur përkatësisht me nga 40 dhe 50%, reflektuar kjo nga çmimet e larta në bursë. Në Shqipëri, OSHEE dhe KESH nga muaji gusht deri në shtator kanë blerë energji me çmime rekord që kapën vlerën edhe të 195 eurove MË/H. KLSH në raportin e saj për zbatimin e Buxhetit në 2019-ën ka theksuar se nga viti në vit borxhi i kompanive publike të energjisë rritet ndaj shtetit dhe ka kapur vlerën e 34 mln lekëve, me KESH e cila ka barrën më të madhe. Ndërkohë OSHEE dhe nën/kompania e re e saj Furnizuesi i Tregut të Lirë përgjegjëse për shitjen dhe blerjen e energjisë kanë dalë me humbje edhe në vitin 2020 sipas të dhënave nga Tatimet.