Televizionet ruse publikonin sot pamje të emigrantëve që gjenin strehë në një magazinë të madhe pranë kufirit të Polonisë, kur Varshava paralajmëroi se kriza mund të zgjasë me muaj. Ministri polak i mbrojtjes Marius Blascak tha se ka pasur të tjera tentativa të kalimit të kufirit gjate nates, megjtihë masat e ashpra ushtarake të marra nga Polonia. Presidenti rus Vladimir Putin kritikoi sot BE për mospranimin e emigrantëve dhe pranoi se kriza do të jetë e zgjatur. Rreth 4,000 refugjatë të dëshpëruar janë mbledhur para gardhit të kufirit të Polonisë, teksa Perëndimi akuzon se janë ndihmuar të vijnë aty nga autoritetet bjelloruse. Të paktën 11 emigrantë kanë humbur jetën deri tani në të dyja anët e gardhit prej kushteve te renda, teksa grumbullimi i njerëzve në vendndodhje ka nisur që prej muajve të verës. Një prej viktimave ishte një 19 vjeçar nga qyteti i Homs në Siri, i cili u varros të hënën.