Është ekstraduar drejt Rusisë Igor Kokunov. 60-vjeçari rus i arrestuar në Shqipëri, e refuzonte prej kohësh ekstradimin drejt Rusisë. Kokunov, i cili është në kërkim për 30 vrasje, kërkoi azil politik në Shqipëri, me pretendimin se në Rusi i rrezikohet jeta. Top Channel mësoi se Gjykata Kushtetuese vendosi të hënën pezullim të ekstradimit dhe në mbledhjen e Gjyqtarëve të kësaj Gjykate u theksua se janë kushtet që imponojnë pezullimi e përkohshëm të kësaj procedure, por megjithatë pak orë më pas Igor Kokunov është nisur drejt mbrëmjen e së mërkurës. Gjatë seancave gjyqësore Igor Kokunov ka pranuar se ka probleme me drejtësinë në Moskë, por proceset penale janë stimuluar për shkak të marrëdhënies jo të mirë që ka ai me regjimin diktatorial të Presidentit, Vladimir Putin. Kokunov akuzohet për krime si rrëmbimi, zhvatja, grabitja, mashtrimi dhe organizimi i biznesit të paligjshëm. Gjithashtu ai akuzohet për koordinimin e kriminelëve në rajonet Sergiev Posad, Çekhov dhe Podolsk të rajonit të Moskës prej 27 vitesh.