Një 23-vjeçar në Vlorë është vënë në pranga, pasi kishte montuar në një pajisje me telekomandë 500 gramë eksploziv, për ta shpërthyer në distancë. Të riut me iniciale D. S. në banesë iu sekuestruan 500 gramë eksploziv i montuar në një pajisje me telekomandë, 1 armë zjarri automatik, 1 armë zjarri pistoletë me silenciator, 1 armë gjahu, 38 fishekë luftarakë për pistoletën dhe automatikun, 2 uniforma policie, lëndë narkotike kanabis, 2 aparate celulare dhe 1 automjet tip “Volkswagen”.