Standard & Poor’s një nga tre agjencitë kryesore të vlerësimit ka dhënë ngritjen e vlerësimit qëndrueshëm të kredisë së Greqisë në shkallën e investimeve , që do të thotë përmirësim nga niveli BBB- në BB+ dhe me këtët zhvillim vendi lëpas 14 vite të ngurta. Sipas agjencisë ky pozicion i përmirësuar buxhetor i vendit, do të rrisë besimin e tregut, do të tërheqë investime të huaja dhe do të ulë kostot e huamarrjes. Në një postim në rrjetet sociale kryeministri i vendit, Kyriakos Mitsotakis thekson: Rikuperimi i shkallës së investimit nga agjencia e vlerësimit "Standard & Poor's" bëhet një tjetër vulë zyrtare e rimëkëmbjes së ekonomisë greke. Në mes të trazirave globale, konfirmohet se vendi ynë e ka lënë përfundimisht pas krizën afatgjatë me armët e tij të stabilitetit, qëndrueshmërisë dhe progresit të vazhdueshëm. Praktikisht përmirësimi i nivelit të kredisë për ekonominë greke do të thotë se ndërsa obligacionet greke bëhen gjithnjë e më tërheqëse për tregjet ndërkombëtare, huamarrja bëhet më e lehtë dhe më e lirë për bizneset dhe familjet. Ndërkohë që në të njëjtën kohë, hapet rruga që në vend të drejtohen kapitale investimi miliardashe, të cilat nuk mund të vinin për gati 15 vjet. Sigurimi i shkallës së investimit ishte një objektiv kryesor për liderin e demokracisë së re Mitsotakis ,pak pas mandatit të dytë në qeveri nga zgjedhjet e qershorit të kaluar. Ai vjen më shumë se një dekadë pasi Greqia mbërriti në prag të falimentimit dhe daljes nga eurozona, ndërsa u nevojitën tre programeve të shpëtimit me gati 270 mld euro kredi ,bashkë me masat shtrënguese të imponuara nga kreditorët që të dalë para 5 vitesh nga zona e rrezikut dhe tashmë të kthehet në këtë nivel. Pavarësisht këtij vlerësimi opozita greke deklaron se shkalla e fituar e investimeve nuk i përshtatet aspak shërbimit shëndetësor të rrënuar, nivelit të ulët të arsimit, infrastrukturës publike që po shëmbet, të drejtave të të punës që po shkelen, të ardhurave reale të pakta të qytetarëve, duke theksuar se synimi kryesor duhet të jetë që populli grek të arrijë shkallën e lartë sociale.