Dy kanadezë kanë vdekur dhe një i tretë u plagos mbrëmë në një përplasje me armë në resortin e famshëm mesikan Cancun. Përplasja shpërtheu në kompleksin luksoz Ksaret kur një kanadez kishte hapur zjarr ndaj tre bashkëkombasve të tij. Zyrtarët meksikanë thanë se në përplasjen me armë u përfshinë klientë të hotelit me precedentë kriminalë për vjedhje, trafik droge dhe mbajtje armësh. Kreu i sigurisë Lusio Hernandez, tha se dhuna është e lidhur me trafikun drogave që ka qenë një plagë e rëndë për meksikën prej vitesh. Nëntorin e kaluar dy trafikantë u vranë në një përplasje me armë në plazhin pranë rezortit luksoz të Cancun. Ndërsa në tetor dy turistë nga Gjermania e India u vranë nga plumbat qorr në një tjetër përplasje mes trafikatëve. Meksika ka regjistruar 33,308 vrasje vitin që shkoi pavarësisht operacioneve të vazhdueshme kundër karteleve të drogës. ndërkohë qeveria meksikane akuzohet se është pjesë e trafikut.