Dy vëllezër janë arrestuar nga policia në Përmet, ndërsa është proceduar penalisht babai i tyre, pasi u kapën me 1.4 kg kanabis, armë dhe fishekë. Sipas njoftimit të bërë nga policia mësohet se është finalizuar me sukses operacioni policor i koduar “BROTHERS”, si rezultat i të cilit u arrestuan në flagrancë shtetasit F. Zh., 39 vjeç dhe A. Zh., 36 vjeç (vëllezër) banues në fshatin Bodar, Përmet, si dhe u procedua penalisht shtetasi Ll. Zh., 69 vjeç (babai i tyre).