Tre fëmijë kanë mbetur pa babain e tyre ndërsa nëna është në spital në gjendje kritike të jetën pas aksidentit të rëndë me motor që cifti pësoi teksa kthehej nga një darkë që kishin kaluar bashkë jashtë. 36 vjecari nga Kosova, Kreshnik Cermjani, ndërroi jetë në vend pas përplasjes së motocikletës së tij në një kthesë me një SUV, ndërsa e shoqja, Ermira Cermjani, pësoi dëmtime të mëdha. Ngjarja ka ndodhur në Calgary të Kanadasë.Mediat kanadeze thonë se dyshja ka tre fëmijë të moshave 16, 14 dhe 11 vjec. Vëllai i Kreshnikut, Debatik Cermjani, ishte në spital me nipat dhe mbesën e tij kur u mbërriti lajmi i kobshëm. “Djali i madh ishte shumë i lidhur me babain. Ai pyeste gjatë gjithë kohës: Kush do të kujdeset tani për ne? Babai bënte cdo gjë për ne”, tha debatiku. Dy vëllezërit punonin në Kanada si bojaxhi. Ata ishin zhvendosur 15 vite më parë në Calgary nga Kosova me shpresën t`u ofronin një jetë më të mirë familjeve të tyre.