Diamanti më i madh i prerë ndonjëherë në botë po del në shfaqje për herë të parë para shitjes së pritur për pesë milionë dollarë. ‘Enigma’, diamanti i rrallë i zi ‘carbanado’, është nxjerrë në shfaqje në Dubai të Emirateve të Bashkuara Arabe. Ai besohet se është krijuar kur një meteor apo asteroid ka goditur tokën më shumnë se 2 miliardë vjet më parë, thotë shtëpia e ankandeve Sotheby. Specialistja Sophie Stevens thotë se diamanti i rrallë 555.5-karat nuk ishte shfaqur më parë nga zotëruesi i tij anonim. "Është shumë ndryshe," thotë Stevens për xhevahirin që mban rekordin botëror Guinness si më i madhi në botë. Pas shfaqjes në Dubai, ‘Enigma’ do të udhëtojë drejt Los Angeles e Londrës, para ankandit të 3 shkurtit. Vitin e kaluar në Hong Kong, diamanti tjetër gjigant ‘Key u shit për 12.3 milionë dollarë, të paguara me kriptovaluta, sipas agjencisë.