Një pjesë e mureve në hyrje të kalasë së Lezhës janë dëmtuar mbrëmjen e djeshme nga persona ende të pa identifikuar. Këta persona nuk kanë kursyer dhe biletarinë në hyrje të kalasë duke e thyer dhe dëmtuar libra e dokumente me vlerë në brendësi të saj. Specialisti i Drejtorisë së Trashëgimisë Kulturore, Ded Margjoni tregon se akte të tilla kanë ndodhur dhe herë të tjera, por kësaj here janë prekur dhe dokumente me rëndësi historike dhe muret antike të kalasë.