Mijëra njerëz të mbledhur sot në sheshin kryesor të Vienës protestonin kundër masave të fundit të Covid-19 nga qeveria duke përfshirë vaksinimet e detyruara dhe kufizimet. Demonstruesit thonin se vendi ‘nuk është më një demokraci’ dhe se fëmijët nuk mund të takohen me shokët sepse prindërit kanë ngjedhur të mos i vaksinojnë. "Nuk është nevoja të përjashtohen ata që nuk janë vaksinuar, veçanërisht fëmijët.” “Është një diskriminim i rëndë të mos mund të dërgosh një 12 vjeçar të kërcejë apo të luajë me shokët pasi prindërit e tij besojnë se është e drejtë të mos vaksinohet”. “Kjo është vërtet e trishtueshme", tha për rrjetin AFP një demonstrues që nuk deshi të identifikohej. Ndërsa një tjetër demonstruese tha: “Nuk dua një shoqëri të ndarë, dua një shoqëri ku të gjithë të jetojmë të lumtur si më parë” “Në mund të kemi opinione dhe vlera të ndryshme, por mund të jetojmë të gjithë së bashku të lirë.” “Ky ishte më parë kuptimi i demokracisë por tani ka ndryshuar kurs dhe në zemrën time besoj se nuk është e drejtë”. Një tjetër demonstruese tha: "Kjo që po ndodh është e pamendueshme”. “Një pjesë e madhe e austriakëve po diskriminohen, po mbyllen, dhe opioninet e tyre nuk merren parasysh”. “Ne nuk kemi më demokraci në këtë vend. Ky është opinioni im”.