Ndryshimet në ligjin për barazinë gjinore krijuan debat, jo vetëm në territorin shqiptar por përfshinë edhe ndërkombëtarët. Diskutimi nëse miratimi i projektligjit ishtë në të mirë apo në dëm të familjes vazhdon ende. “Shqiptarët e shohin mashkullin dhe femrën, familjen tradicionale si themel e qelizën e shoqërisë”. ‘Ata që përmëndin traditën si një gjë të pandryshueshme, nuk e dinë që po të mos kishim sfiduar traditën, motrat tona, vajzat tona nuk do të shkolloheshin”. Dy qëndrimet që ndajnë shoqërinë sollën edhe tre drafte të projektligjit të barazisë gjinore, ku përplasjet u përqëndruan më së shumti në përshkrimin e gjinisë. Versioni i pari i Ministrisë së Shëndetësisë e përkufizonte gjininë si “Gra dhe burra që nënkupton edhe vajza dhe djem”, me rishikimin gjatë konsultimin publik u propozua nga Aleanca LGBTI zgjerimi i konceptit përtej binaritetit duke e reflektuar si “Gjini”,sipas këtij ligji ka kuptim gjithëpërfshirës në përputhje me parimet e barazisë dhe mosdiskriminimit lidhur me identitetin dhe shprehjen gjinore”. Pas debateve në komisionet parlamentare, mazhoranca e fshiu përshkrimin e dytë edhe e miratoi në versionin përfundimtar ‘gjini nënkupton rolet e ndërtuara në kontekstin social, sjelljet, aktivitetet dhe atributetet që një shoqëri e caktuar i konsideron të përshtatshme për gratë dhe burrat.