Top Channel/ Covid nuk frenon artin e luksin: Festivali i Kanës ngre siparin me një super ceremoni!

Festivali i filmit në Kanë u rikthye mes luksit dhe mungesës së maskave; në paradën e tapetit të kuq nuk kishte asnjë gjurmë nga pandemia e koronavirusit, a thua se ajo nuk ekziston në qytetin e bukur të rivierës franceze. Edhe pse shumë festivali të ngjashme u zhvilluan vitin e kaluar vetëm virtualisht, Kana zgjodhi anullimin: me maratonat e gjatë, ovacionet që nuk kanë fund dhe festat në plazh, cfarë kuptimi do të kishte? Organizatorët vendosën në vend të kësaj që thjesht ta shtynin eventin, dhe filmave të parashikuar per edicionin e 2020-tës, si “The French Dispatch,” t`i rezervohej një debutim dinjitoz këtë vit.