Të ulur pranë njëri tjëtrit, kjo është foto e fundit së bashku e dy të moshuarve. Njëri prej tyre Zyhdi Shehi doli nga azili me pranga në duar, kurse tjetri Virxhil Vesho u nxorr I pajetë prej andej; fillimisht u dërgua në një agjensI funerale si një I moshuar që kishte ndërruar jetë për shkaqe natyrale e më pas e përcollën në morg si të vrarë nga shoku. Kur grupi I hetimit ka zbardhur skemën se cfarë ndodhi në shtëpinë e të moshuarve në rrugën Ali Visha, dhe kur autori po trajtohet në spitalin psikiatrik me urdhër të gjykatës, prokuroria ka administrua përpos kartelave të dy të mosharve njëri me sklerozë e tjetri me Parkinson dhe demencë edhe të dhëna mbi administratorët. Ajo cka ka kërkuar prokuroria orët e fundit është sekuestrimi I kartelave të të punësuarve, për të kuptuar nëse plotësojnë apo jo kushtet për të shërbyer si kujdestarë të moshuarish. Nga ana tjetër ka administruar edhe dëshminë e mjekut te punesuar ne azilin privat, që u informua nga dy infermieret nën hetim per ngjarjen. Nazmie Mulla dhe Glesantina Saraçin thonë se mbasi e panë të dëmtuar viktimën ato kishin kujtuar se ai ishte rrëzuar aksidentalisht. ‘Nuk e vlerësova që duhet ta kontrolloja trupin deklaron në dosje- mjeku I azilit- mbasi më treguan se I moshuari ishte rrëzuar ndaj dhe ju kërkova të njoftonin agjensinë funerale”