Cmimi i naftës kaloi një tjetër prag historik së fundi, me naftën bruto që për të parën herë në shtatë vjet u shit 85 dollarë per fuci. Kuotimi i arit të zi kapërceu kështu befas me 1.2 % në një kohë kur e gjithë bota përballet me një krizë energjie, të pasuar nga një rritje e cmimit të gazit natyror, qymyrgurit dhe naftës së papërpunuar. Vetëm këtë muaj, thotë CNN, cmimi i naftës është rritur me 13% dhe sot është 120% më i lartë nga sa ishte një vit më parë. Pandemia nuk ka marrë ende fund, kujtojne ekspertë gjermane, dhe efektet e saj ndihen edhe fort edhe në ekonomi. Çmimet e larta të energjisë janë një pjesë e tyre. Kjo gjë tregon se ekonomia globale, pavarësisht pandemisë në vazhdim, po rimëkëmbet më shpejt nga sa pritej, e pasojë e kësaj është dhe një rritje të jashtëzakonshme e urisë për energji. Kërkesa e fortë rrit çmimet, por si këtë herë nuk ka ndodhur kurrë: Vetëm çmimi i shumicës tek gazi është rritur këtë vit me 44%. Edhe çmimi i naftës është rritur në nivele të larta duke u dyfishuar brenda një viti, thotë analisti Henrik Böhme. Ai thekson vetem ne kete menyre mund të vijë kthesa e madhe energjetike: lënda e djegshme fosile do bëhet aq e shtrenjtë, sa t'ia vlejë përdorimi i energjisë së rigjenerueshme, ky ishte plani, shprehet Bohme. Vetëm se ky skenar nuk funksionon dot sipas ekspertit, pasi bota është ende shumë larg kthesës energjitike.