Një ish-drejtor banke është dënuar me burg në SHBA pasi shfrytëzoi pozitën e tij për të vjedhur 200,000 dollarë drejtpërdrejt nga llogaria e klientit të tij edhe pas vdekjes, njoftuan zyrtarët. 43 vjeçari James Gomes, nga New York, “kishte shfrytëzuar pozitën e tij si drejtor i degës lokale për të fituar akses të jashtëligjshëm te llogaria e klient dhe të vidhte shumën totale prej $208,938.68,” thuhet në deklaratën e departamentit të drejtësisë së SHBA. Ai u dënua me 13 burg dhe u urdhërua të kthejë 208,938 dollarë. Pa autorizim, ai kishte lidhur numrin e tij personal të celularit me llogarinë e klientit dhe me shërbimet e tij bankare online, thanë zyrtarët. Gomes kishte transferuar fondet e klientit në muajt mars e prill 2020 te llogaria e tij si dhe në institucione të tjera financiare. “Për të mbuluar skemën e tij Gomes kishte krijuar një adresë të rreme email-i, të cilën e përdorte për biseda fiktive, për të bërë të dukej se klienti po ia kërkonte transferimet”, thuhet në padi. “Gomes kishte vazhduar më pas skemën e mashtrimit edhe pas vdekjes së klientit më 5 prill”. Prokurori i entit mbikqyrës financiar dhe prokurori i New Jersey ndoqën çështjen, shkruan rrjeti ABCNews.