“Ekspedita e Forcës së Përbashkët” nisi manovra për të demonstruar parimin e lirisë së lundrimit me përfshirjen e frigatës daneze Niels Jul, të shoqëruar nga një anije mbështetëse suedeze. Mjetet u nisën nga Kopenhagen drejt Estonisë, ku trupat daneze do të bashkohen me grupin detar britanik. Ministri britanik i mbrojtjes Ben Wallace tha se operacioni "dërgon mesazhin për Putin se jemi të gjithë bashkë, qoftë ato në NATO ose jo”. Koalicioni i drejtuar nga Britania përfshin dhjetë shtete tw evropws veriore dhe fokusohet në sigurinë e zonës së Arktikut, Balltikut dhe Atlantikut verior. "Jemi të shqetësuar se një Perde e re e Hekurt po bie në Evropë”, tha ministri britanik duke folur nga bordi i frigatës daneze. Wallace shtoi se luftanija e shoqëruar nga mjeti suedez, do të dërgojë trupat e NATOs në Estoni. Ai shoqërohej nga ministri danez i mbrojtjes Morten Bodskov i cili e quajti situatën në Ukrainë "të tmerrshme". “Prandaj komuniteti ndërkombëtar duhet të dërgojë një mesazh të fortë e të qartë se ajo që po shikojmë aktualisht është e papranueshme”, tha Bodskov.