Përballë konkurrencës në rritje dhe kërkesave të tregut europian, gjithnjë e më shumë biznese shqiptare po investojnë në inovacion. Nga teknologjia e informacionit dhe zgjidhjet digjitale, te turizmi, shëndetësia apo industria e tekstileve, ndërmarrjet po përshtatin aktivitetin e tyre me teknologjitë e reja dhe standardet e Bashkimit Evropian. Sipas të dhënave të INSTAT, për periudhën 2022–2024, 44.3% e ndërmarrjeve me 10 ose më shumë të punësuar kanë zhvilluar aktivitete inovacioni. “Unë kam qenë. E sëmëur me sklerozmultiple dhe falë një regjimi pa gluten pa laktozë kam arritur të shërohe. Nga mungesa në tregun shqiptar e një produkti të tillë menduam të konceptonim një produkt artizanal dhe organik. Falë partnerëve europian mundëm që shumë procese ti lehtësonim falë pajisjeve të ndryshme të ulnim procesin dhe kohën e punës duke krijuar një produkt me standard europiane.” “Unë me profesion jam ekonomist por gjithë jetën jam marrë me teknologjinë dhe pandemia më bëri që të rikonsideroj profesionin tim dhe jetën time duke parë sa fragile ishin sistemet e ushqimit. Kështu që vendosa të prodhojë bukën. Nëpërmjet pajisjeve që plotësojnë të gjitha kushtet dhe kanë teknologji europaine më është lehtësuar puna dhe bëhemi dhe më konkurues në treg duke përqafuar metoda të tilla.” Sipas INSTAT niveli i inovacionit ka ardhur në rritje, megjithëse në Shqipëri mbetet më i përhapur tek kompanitë e mëdha, me mbi 250 të punësuar. Por së fundmi po përqafohet edhe në sektorët më në nevojë sic është bujqësia. Ervin Ceraj, fermer në koplik tregon se me përfshirjen e inovacionit nëpërmjet teknologjive tek bimët medicinale ka rritur efikasitetin e tharjes dhe ulur kostot.