Presidenti amerikan Joe Bidene e shprehu hapur pakënaqësinë me lëvizjet e kryeministrit izraelit Benjamin Netanyahu në Rripin e Gazës. “Mendoj se ai po bën gabim me qasjen ndaj Gazës. Nuk pajtohem me qëndrimin e tij”, deklaroi shefi i Shtëpisë së Bardhë në një intervistë, ku theksoi se enklava duhet të ketë akses të plotë tek ushqimet dhe ilacet” përgjatë 6 apo 8 javëve të ardhshme. Biden pak ditë më parë e paralajmëroi Izraelin se mbështetja amerikane për luftën e tij do të varet nga niveli i ndihmave që do të lejohen të dërgohen atje. Shteti hebre nga ana e tij mohon të ketë bllokuar hyrjen e ndihmes në Gaza teksa akuzon punonjësit e OKB-së në terren se po dështojnë në përpjekjet që ndihma e dërguar t`u mbërrijë vërtet njerëzve që kanë nevojë për të. Deri më tani, negociatat disa javore nuk arritur të prodhojnë një konsensus për armëpushim, megjithatë presioni ndërkombëtar po rritet mbi të dyja palët. Sekretari amerikan i Shtetit Antony Blinken ndërkohë pohoi se Izraeli nuk i ka njoftuar Shtetet e Bashkuara për ndonjë datë specifike për fillimin e një ofensive të madhe në qytetin jugor të Gazës, Rafah, por shtoi se zyrtarët amerikanë dhe izraelitë janë në kontakt të vazhdueshëm për t’u siguruar që “çdo lloj operacioni i madh ushtarak nuk do të dëmtojë të civilët.”