Presidenti Joe Biden është shprehur se në periudhën afatshkurtër do të dërgojë më shumë trupa amerikanë për të fuqizuar prezencën e NATO-s në Europën Lindore, teksa tensionet rriten mbi rreshtimin e trupve rus në kufirin me Ukrainën. “Do të dërgoj trupa në Europën Lindore, vendet anëtare të aleancës së NATO. Një sasi të vogël ushtarësh” – i tha Biden gazetarëve gjatë kthimit në Uashington pas një fjalimi në Filadelfia. Shtetet e Bashkuara tashmë kanë dhjetëra mijëra trupa të stacionuara në pjesën më të madhe të Evropës Perëndimore, por Pentagoni po diskuton dërgimin e një numri të vogël përforcimesh në krahun e tensionuar lindor. Këtë javë, zëdhënësi John Kirby tha se 8,500 trupa ishin në "gadishmëri të shtuar" për vendosjen e mundshme për të ndihmuar NATO-n. Dislokimi do të ishte po aq i rëndësishëm politikisht po aq edhe ushtarak, duke forcuar përfshirjen e SHBA-së në konfliktin që po rritet. Ukraina nuk është anëtare e aleancës, por Uashingtoni ka frikë nga përhapja në vendet fqinje të NATO-s nëse Rusia sulmon Ukrainën. "Ne do të rrisim praninë e trupave në Poloni, në Rumani, etj. nëse Putin lëviz," tha Biden. “Ata janë pjesë e NATO-s”.