Donald Trump është zyrtarisht Presidenti i 47 i Shteteve të Bashkuara të Amerikës. Mes duartrokitjeve të qindra të ftuarve dhe familjes, që i qëndronte në krah, Donald Trump u betua në Kongresin Amerikan, se do të shërbejë me besnikëri, do të bëjë më të mirën për të ruajtur dhe mbrojtur Kushtetutën e Shteteve të Bashkuara. "Epoka e artë e Amerikës nis tani. Nga kjo ditë vendi ynë do të lulëzojë e do na kenë zili të gjithë kombet. Nga ky moment rënia e Amerikës përfundoi. Zoti më shpëtoi ta bëj Amerikën të madhe sërish”, tha Presidenti i ri amerikan, Donald Trump në fjalimin e tij të parë, që u ndoq nga miliona amerikanë. Trump zbuloi disa nga detyrat më të rëndësishme, që do kenë përparësi në mandatin e dytë katërvjeçar si President i Shteteve të Bashkuara. Donald Trump nis punën që ditën e parë si President, duke shpallur emergjencën në kufirin me Meksikën.