Sali Berisha nuk njeh avancimin e negociatave të Shqipërisë me BE. Pas podcastit të Edi Ramës, kreu i PD reagoi duke kundërshtuar deklaratat e kryeministrit. “Për sa i përket IBAR-it, të gjithë shqiptarët sot e morën vesh se u bënë 32 amendime nga më të fortat, me të cilat provohen se Edi Rama ka shkelur parimet kryesore të luftës kundër korrupsionit dhe transparencës. Si përfundim mund të themi se me Edi Ramën integrim nuk ka dhe nuk mund të ketë”. Sali Berisha u ndal edhe në sipërmarrjet digjitale të ndërmarra nga qeveria, teksa bëri krahasim të shpenzimeve mes socialistëve dhe demokratëve duke akuzuar qeverinë për abuzim. “Dje ju patë në kuvendin e PD avatarin Skënderbe që kushton 100 euro, ndërkohë avatari i Edi Ramës, Diella ka kushtuar rreth 4 milionë euro”. Për kryedemokratin, komenti i Ramës për konferencën ndërqeveritare të Brukselit është mashtrimi i rradhës.