Sali Berisha u shpreh sot nga ballkoni i tij se përdorimi nga kryeministri Edi Rama i arsimit dhe i shtetit për fushatë elektorale në Greqi, është akt antikushtetues, i barabartë me tradhti kombëtare. "U paraqit në Selanik si i kujdesshëm për gjuhën amtare, tek fëmijët e emigrantëve dhe mori përsipër të paguajë një kontratë duke dëshmuar kështu, shfrytëzimin e shtetit për qëllime elektorale. Sigurisht që Shqipëria duhet të bëjë gjithçka për tu krijuar mundësinë shqiptarëve për të mësuar gjuhën amtare kudo që janë. Por përdorimi i arsimit dhe i shtetit për fushatë elektorale, është akt antikushtetues, antidemokratike, është akt i barabartë me tradhti kombëtare. Sepse kërkon të vjedhësh lirinë, të vjedhësh votën e shqiptarëve. O hipokrit, po ti që rrënove arsimin në Shqipëri, ty s’të ndjen se nuk ke ndërgjegje shqiptari. Emigrantët duhet ta dinë se në 8 vite të qeverisjes së tij, cilësia e arsimit në këtë vend, ra më shumë se në çdo vend tjetër të planetit, ra me 68 pikë, sepse këta vjedhin, vjedhin në çdo gjë"-u shpreh Berisha.