Një ditë pasi e pyeti sekretarin amerikan te shtetit Antony Blinken lidhur me vendimin e tij për ta shpallur non grata ish kryeministrin Sali Berisha, kongresmeni republikan Lee Zeldin vendpsi t`i drejtohej Departamentit Amerikan të Shtetit për informacione më të detajuara mbi këtë vendim. “Sali Berisha ka pasur historikisht marrëdhënie të forta me Shtetet e Bashkuara të Amerikës, e kjo ka bërë shumë persona ta vënë në pikëpyetje këtë vendim të papritur. Duke ndjekur mundësinë për diskutuar këto sanksione me sekretarin Blinken, kërkoj akses në të gjithë informacionin e DASH në bazën e te cilit u mbështet ky vendim kundër Berishës dhe familjes së tij. Gjithashtu, kërkoj një shpjegim të detjuar të procesit që ndoqi DASH për të përcaktuar këtë cështje. ”- thuhet ne letrën zyrtare të Zeldin. Në seancën online të mbajtur një ditë më parë nga Komisioni i Punëve të Jashtme të Kongresit të SHBA, ligvënësi i Long Island kërkoi informacione publike nga Blinken për vendimin e marrë, por kryediplomati amerikan e ftoi atë dhe çdo anëtar tjetër të interesuar të Komitetit që t`i drejtoheshin sektorit ligjor të Departamentit për të parë më në hollësi procesin që solli vendosjen e Berishës dhe familjes së tij në listën e personave të cilëve u ndalohet hyrja ne shtetet e Bashkuara. Ai nënvizoi se këto vendime zakonisht merren në kuadrin e shtimit të përpjekjeve të Departamentit të Shtetit për të kufizuar dhe penguar korrupsionin në botë si dhe ndikimin e tij në drejtat e njeriut. arsyetimi i dhënë nga sekretari i shteti ditën që berisha u shpall non Grata ishte “përfshirja në veprime korruptive, të tilla si shpërdorim i fondeve publike dhe ndërhyrje në proceset publike, përfshirë përdorimin e pushtetit për përfitime personale dhe për të pasuruar aleatët e tij politikë dhe anëtarët e familjes së tij në kurriz të besimit të publikut shqiptar në institucionet e tyre qeveritare dhe zyrtarët publikë”.