Në ujërat pranë brigjeve të Belgjikës, një avion i vogël me dy helika fluturon mbi transportueset e mëdha detare për të zbuluar gjurmë të gazeve të tyre të shkarkimit. Aparaturat e tij analizojnë menjëherë masën e sulfurit dhe azotit të çliruar prej tyre, të cilat nëse kalojnë nivelet e lejuara sinjalizohen për gjobitje. Roja bregdetare belge ka vendosur sensorë modernë ndotjeje në avionët e saj, të krijuar së fundmi nga një universitet në Suedi. "Jemi i vetmi vend që e bën këtë për momentin. Mund të kontrollojë 10 deri në 15 anije në një orë," thotë për rrjetin AFP nje nga operatorët ajrorë. Ky lloj kontrolli tradicional më parë kryhej në porte, ku operatorët duhet të shpenzonin një ditë të tërë në anijet e ndaluara. Sensorët e rinj vendosen poshtë kabinës së avionit, i cili fluturon ulët i drejtuar nga dy pilotë ushtarakë. Ndërsa një ekran kompjuteri zbardh të dhënat në kohë reale, pas matjes së mostrave te mbledhura. Por megjthë zbulimin e ndotësve nga ajri, për vendosjen e gjobës nevojitet konfirmimi nga kontrolli i karburantit në port. Autoritetet thonë se gjoba për shkelje të ndotjes mjedisore arrijnë deri në 300,000 euro.