Policia e Tropojës dhe Kukësit kanë sekuestruar 276 kilogramë lëndë plasëse dhe 290 kapsolla detonatore elektrike, që mbaheshin jashtë kushteve të sigurisë, në një subjekt minerar. policia ka arrëstuar administratorin dhe drejtuesin teknik të subjektit për nxjerrjen e minerareve. kontrolli I efektivëve është ushtruar në një subjekt minerar në vendin e quajtur “Kepenek” ku u arrestuan në flagrancë, për veprën penale "Shkelja e rregullave mbi lëndët plasëse, djegëse dhe radioaktive", shtetasit: -Xh. K., 32 vjeç, administrator i subjektit për nxjerrjen e minerareve dhe D. P., 56 vjeç, drejtues teknik i këtij subjekti. Strukturat e DVP Kukës do të vijojnë kontrollet për të verifikuar pajisjen me licencë të subjekteve të tjera që ushtrojnë këtë aktivitet, si dhe zbatimin e rregullave të përcaktuara për mbajtjen e lëndëve plasëse, djegëse dhe radioaktive.