Gjykata e Apelit rrëzoi sot kërkesën e Princ Dobroshit, bosit shqiptar të drogës në Evropë, i cili refuzon të ekstradohet drejt Gjermanisë. Në 14 shkurt 2024, Gjykata e Shkallës së Parë kishte lënë në fuqi vendimin për ekstradimin e Princ Dobroshit, në Gjermani. Për të, gjykata e Hamburgut ka nxjerrë urdhër-arresti, pasi dyshohet dyshohet për kryerjen e veprës penale të “Trafikimit të lëndëve narkotike”, të kryer në bashkëpunim, si pjesëtar i një grupi kriminal. Disa ditë më parë, Prokuroria e Posaçme Antikorrupsion sekuestroi pasuritë e Princ Dobroshit dhe kunatit të tij Olsi Syziu,, të hetuar dhe të dënuar për trafikimin e sasive të mëdha të lëndëve narkotike nga Amerika Latine në Europë. SPAK ka sekuestroi 10 llogari bankare me vlerë 133 mijë euro, Vilë në Gjirin e Lalzit, dy apartamente te Kodra e Diellit, një apartament te Liqeni i Thatë, makinë Volvo, dhe një shoqëri tregtare.