Ambasadori rus në selinë e Kombeve të Bashkuara në Gjenevë, Gennadi Gatilov, tha se qëllimi i operacionit në Ukrainë “nuk është pushtimi i Ukrainës”. Ai shtoi se Moska "nuk është e izoluar në veprimet e saj" edhe pse një rezolutë e OKB dënoi masivisht pushtimin e Ukrainës. "Qëllimi i operacionit rus është i qartë: denazifikimi dhe demilitarizimi. Ne nuk do të qëndrojmë ushtrakisht në Ukrainë dhe nuk do ta pushtojmë vendin”. “Nuk jam në dijeni të planit ushtarak por njoh planin politik i cili është ashtu siç e përshkrova”, tha Gatilov. Pyetjes nëse Moska ndjehet e izoluar në veprimet e saj, ai u përgjigj: "Nuk do të thosha që jemi të izoluar, kemi një numër vendesh që mbështesin pozitën tonë, si Kina, India dhe një numër vendesh të tjera”. "Ne e dimë se një numër shtetesh janë vënë nën presion nga SHBA për t’u sjellë në mënyrë të caktuar dhe shumë prej tyre nuk mund të rezistojnë”. Gatilov shtoi se vperimet e Moskës vijnë si kundërpërgjigje e atyre të qeverisë së Zelinskit: "Ne e kemi thënë se ajo që po bëjnë Zelensky dhe regjimi i tij është e papranueshme”. “E kishim toleruar këtë situatë për 8 vjet, por tashmë linjat e kuqe janë kaluar, prandaj nuk kishim zgjedhje tjetër përveç ndwrhyrjes ushtarake”.