Një aksident i rëndë ka ndodhur në aksin rrugor Milot-Lezhë pasditen e kësaj të mërkure. Bëhet fjalë për një aksident të katërfishtë ku janë përfshirë një kamion dhe 2 motorë me drejtues kroatë si dhe një fuoristradë. Nga aksidenti janë plagosur 3 persona, ndërsa gjendja shëndetësore e 2 prej të plagosurve paraqitet e rëndë dhe janë dërguar me urgjencë në Spitalin e Traumës. Si pasojë e aksidentit të katërfishtë është bllokuar autostrada nga Miloti deri në mbikalimin e Milotit. Policia ka mbërritur në vendngjarje dhe ka bërë devijimin e mjeteve nga aksi i vjetër. Një aksident i dytë ndodhi në aksin rrugor Rrogozhinë-Lushnje, pranë fshatit Zhamë ku një furgon mallrash është përplasur me trafik ndarësen. Sipas informacioneve të para drejtuesi i mjetit ka humbur kontrollin për shkak të lagështirës në rrugë. Ai u transportua në spitalin e Lushnjes për të mare ndihmën e parë, ndërsa paraprakisht mësohet se është jashtë rrezikut për jetën Për shkak se aksidenti ndodhi në mes të dy korsive u krijua një radhë e gjate e mjeteve në këtë aks. U desh ndërhyrja e policisë rrugore që të zhbllokohej trafiku më pas.