Kjo mund të cilësohet si një nga periudhat më të vështira të kryeministrit të britanisë së madhe Boris Johnson. Ai po përballet me sulmet e vazhdueshme nga lideri i opozitës laburiste, Keir Starmer, ndaj asaj që tani marrë konturet e një skandali të vërtetë. Bëhet fjalë për festën e organizuar në maj të viti 2020 në kopshtet e rezidencës zyrtare të kryeministrit, nga kryesekretariati Martin Reynolds, ku mori pjesë vetë Johnson me gruan e tij Carrie dhe rreth dyzet persona. Në një kohë që Evropa dhe e gjithë bota po përballeshin me valën e parë të Covid-it dhe miliona njerëz jetonin në shtëpitë e tyre, të izoluar. Në Doëning Street festohej pa respektuar rregullat për distancimin. Ajo që po trazon ujërat e qeverisë së drejtuar nga Johnson është fakti se edhe në partinë e tij po rritet një grup zërash kritikë kundër sjelljes së kryeministrit. Disa eksponentë konservatorë duan që Johnson të kërkojë falje publike; të tjerë madje shkuan aq larg sa të uronin dorëheqjen e tij. Nuk është hera e parë që kryeministri përballet me probleme të këtij lloji: dhjetorin e kaluar, Johnson kërkoi falje për një video të publikuar në media, në të cilën stafi i tij shihej në një festë Krishtlindjesh në Doëning Street. pa respektimin më të vogël të rregullave anti-Covid.