2 influencues të rrjeteve sociale ishin mes 4 viktimave të rrëzimit të një avioni në liqenin e ngrirë pranë kryeqytetit të Islandës, Rejkjavik. Megjithë kushtet e vështira të motit kërkimet vazhdonin sot për rekuperimin e trupave të aksidentit të fundjavës. Josh Neuman, blogger amerikan i aventurws me më shumë se 1 milionë ndjekës në YouTube, dhe një influencues i njohur nga Blegjika kanë vdekur në aksident, njoftonin mediat. Me ta ishin dhe një 27-vjeçar holandez dhe piloti islandez 49-vjeçar. Avioni i tipit Cessna C172, ishte ngritur të enjten nga Reykjavik, por të premten u gjet në fund të liqenit të ngrirë pranë kryeqytetit. Trupat e viktimave u gjetën të dielën me anë të një roboti nënujor. Policia beson se pasagjerët ishin hedhur nga avioni para rënies në ujin e ngrirë rreth 1 km larg brigjeve të liqenit. "Trupat u gjetën relativisht afër, rreth 300 metra larg avionit, në fund të liqenit”, tha policia lokale në një deklaratë.