Në pamje shihen të akuzuarit që dalin nga një gjykatë në Daka pasi Bangladeshi dënoi me vdekje 20 studentë universiteti për një vrasje politike në vitin 2019. Viktima ishte një i ri që kishte kritikuar qeverinë në rrjetet sociale. Ai ishte rrahur me shkop kriketi dhe objekte të tjera për disa orë nga më shumë se 20 kolegë te tij studentë, anëtarë të degës politike të partisë në pushtet. Trupi i masakruar i 21 vjeçarit Abrar Fahad, ishte gjetur në fjetoren e tij pasi në një postim kishte kritikuar kryeministrin Sheik Hasina për marrëveshjen e burimeve ujore me Indinë. "Jam i kënaqur me verdiktin. Shpresoj që dënimet të ekzekutohen shpejt," tha babai i Fahad pas dhënies së denimit. Pesë autorëve të tjerë iu dha dënim me burgim të përjetshëm. Të gjithë të dënuarit me vdekje ishin nga 20 deri në 22 vjeç në kohën e vrasjes në universitetin elitar inxhinierik, ku studionte dhe viktima Fahad. Tre nga të akuzuarit janë ende në arrati ndersa a avokati i të dënuarve tha se dënimet do të apelohen.