Ministri i brendshëm turk raportoi një ngjarjë tragjike të ndodhur në kufirin grek, ku sipas tij, këtë mëngjes janë gjetur të pajetë 12 emigrantë thotë se ata ishin pjesë e një grupi prej 22 refugjatësh që janë kthyer mbrapsht nga rojet kufitare greke në Ipsala. “Ushtarët grekë i detyruan të hiqnin këpucët e rrobat e trasha”, thotë Suleyman Soylu. Ministri, i cili publikoi në profilin e tij në Tëitter dhe fotot e disa trupave të pajetë, thotë se më shumë pak rroba të mbetura në trup, emigrantët e kanë pasur të pamundur të përballonin të ftohtin e këtyre ditëve”. Ndonëse nuk ofroi detaje të mëtejshme, Soylu akuzoi hapur rojet greke “për mizori të pashoqe”, ndërsa tha se Bashkimi Europian po tregohet shumë i butë me Athinën zyrtare. Turqia vazhdimisht e ka akuzuar Greqinë fqinjë për kthime të paligjshme në kufi të emigrantëve që përpiqen të mbërrijnë në Europë. Ankaraja madje ka raportuar dhe raste të tjera të hedhjes së tyre në det prej rojeve bregdetare greke. Turqia është pikë e rëndësishme kalimi drejt BE-së e refugjatëve nga Lindja e Mesme, Azia e Afrika, e shumë prej tyre tentojnë të mbërrijnë në Greqi përmes rrugës tokësore ose me anije që i dërgojnë në ishujt grekë në detin Egje.