Në Kosovë u arrestua një prej pjesëtarëve të grupit kriminal që ka lidhje me rrëmbimin dhe më pas zhdukjen e Jan Prengës më 17 janar të vitit 2020. I shumëkërkuari që kur u arrestua mbante dokumentet e një shtetasi tjetër, ishte shpallur në kërkim, pasi nga hetimet ka rezultuar se është njëri nga organizatorët e rrëmbimit dhe zhdukjes së Jan Prengës në Kamëz. Gjykata e Posaçme kundër Korrupsionit dhe Krimit të Organizuar, në vitin 2022, i ka caktuar 29-vjeçarit, masën e sigurisë “Arrest në burg”, për disa vepra penale ndër të cilat “Rrëmbimi ose mbajtja peng e personit”, dhe “Fshehja ose asgjësimi i kufomës”. Pritet që 29-vjeçari të ekstradohet drejt Shqipërisë. Ai dyshohet se është ekzekutuesi i rrëmbimit të Prengës me urdhër të Dritan Rexhepit dhe Gentjan Funiqit, për ta detyruar vëllain e tij të kthente kokainën që u kishte vjedhur në një port të anglisë.