Modelja shqiptare Sabrina Krasniqi, 27 vjeç, dyshohet se qëlloi pesë herë në drejtim të bashkëshortit të saj, Pajtim Krasniqi, 34 vjeç, më pas veten në ballkonin buzë oqeanit të banesës së tyre luksoze në veri të Miamit, rreth orës 12:30 të mëngjesit të së mërkurës. Policia gjeti trupat e pajetë të çiftit në zona të ndryshme të apartamentit në katin e 45-të. Ata të dy u shpallën të vdekur në vendngjarje, tha policia sipas New York Post. Brenda banesës ishte një arush pelushi, një kuti në formë zemre me trëndafila dhe televizori ende ndezur, sipas pamjeve. Sipas mediave, dyshja ishin shtetas shqiptarë të Kosovës që jetonin në Amerikë. Policia shkoi në vendngjarje pasi mori një sinjalizim nga ShotSpotter, një program për zbulimin e armëve. Sipas mediave, fillimisht kishte pesë të shtëna që shpërthyen radhazi, e ndjekur nga një pauzë e shkurtër dhe më pas një e shtënë e gjashtë. Sabrina, e cila mori emrin e saj të vajzërisë Sabrina Dzaferovic, ishte një modele sipas mediave vendase.