Françoise Bettencourt Meyers mund të jetë gruaja më e pasur në botë, por jeta e saj nuk ka qenë e lehtë. Stërmbesa e themeluesit të L’oreal, Eugene Schueller, Bettencourt Meyers, trashëgoi një pasuri kozmetike që tani vlen 81.7 miliardë dollarë dhe e rendit atë si personin e 12 më të pasur në të gjithë botën. Por kjo, pas një beteje dramatike ligjore me një mik të ngushtë të të ëmës së saj. Ndryshe nga një trashegimtare tipike miliardash, Bettencourt Meyers e ka përqendruar vëmendjen tek karriera e saj si autore dhe anëtare e bordit të drejtorëve të L’Oreal. Bettencourt Meyers dhe familja e saj zotërojnë rreth 33 për qind të aksioneve të L’Oreal. Por, u bë trashëgimtarja e perandorisë së kozmetikës vetëm pas vdekjes së të ëmës, Liliane Bettencourt, në 2017, në moshën 94 vjecare. Themeluesi i L’Oreal, Eugene Schueller, ishte një farmacist dhe mundi të shpikte një formulë të re për flokët e dëmtuar në vitet 1908, që ai e quajti L’Oreal. Produkti e bëri atë shumë të pasur. Nëna e Bettencourt Meyers, Liliane Bettencourt, trashëgoi gjithë pasurinë e Schullerit, e vetme, në 1957-ën dhe u bë një personalitet i njohur. Babai i Bettencourt Meyers, Andre Bettencourt, ishte një politikan francez, që kishte shërbyer si ministër në qeveri dhe si senator.