Rreth 3 000 mjekë dhe 5 000 infermierë përllogariten si të larguar drejt Gjermanisë dhe vendeve të tjera të BE-së, dhjetë vitet e fundit. Prej numrit të përgjithshëm sipas dhomës së mjekëve në Gjermani, 3500 mjekë e infermierë, farmacistë janë larguar nga sistemi shëndetësor shqiptar drejt gjermanisë... Ekspertët kalkulojnë shifra të dëmit që vjen prej këtij eksodi. Kur një mjek shqiptar i sapodiplomuar largohet nga Shqipëria merr me vete një investim prej rreth 100 mijë euro. Tek ky investim janë kontribues, shteti dhe shoqëria shqiptare. Sipas ekspertëve, i njëjti investim në Gjermani kushton 390 000 Euro. Nëse i referohemi shifrës së largimeve për 3 mijë mjekë e 5 mijë infermierë atëherë sipas kalkulimit nga ekspertët, rezulton se Shqipëria ka kontribuar në sistemin shëndetësor të BE me më shumë se 3 miliardë euro. Në shkurt të vitit 2016, ministri i punës dhe çështjeve sociale Blendi Klosi do ta publikonte si sukses 350 infermierët e parë që kishin nënshkruar kontratat e punës e po niseshin drejt Gjermanisë dhe 600 të tjerë ishin në proces. A ka përgjegjësi vetë qeverisë në nxitjen e këtij fenomeni? Por shëndëtësia është një sektor më i gjerë se sa problematika që krijon largimi i mjekëve. Në tërësi sistemi duket se ka shumë të çara, të cilat reflektohen drejtëpërdrejtë në shërbimin e marrë nga pacientët. Qytetetarët flasin për qindra milionë lekë të shpenzuara për medikamente, për barna të parimbursueshme, për mjekë që lëshojnë receta me emra tregëtar kompanish farmaceutike. A është sot në Shqipëri mjeku një figurë e respektuar apo më shumë e sulmuar ?