Skandali i abuzimeve/ Minorenia denoncoi në 2018. Psikologia ia referoi prokurorisë, vajza u tërhoq

Thellohet skandali i abuzimit me të mitur në shkollën 9-vjeçare në Kamëz , mbas bërjes publike të kallëzimit të një 15-vjeçareje, pas të cilit përfunduan në pranga edhe ish-roja e shkollës. Nga një sërë dokumentesh dhe burimesh të Top Channel abuzimi me të miturit, ishte prezent disa kohë përpara se vajza 15-vjeçare t’i drejtohej policisë. Në datën 25 tetor 2018 një tjetër minorene, nxënëse në klasën e tetë ka raportuar para psikologës së shkollës se ishte abuzuar nga dy shokë të klasës , pasi ishte shantazhuar nëpërmjet një fotografie.