Po kthehet në “rrugën e vdekjes”, Policia heq 135 patenta: Aksidentet, pasojë e shpejtësisë dhe çmendurisë

Disa aksidente tragjike me pasojë vdekjen janë regjistruar kohët e fundit në aksin Tiranë-Elbasan dhe anasjelltas. Për shkak të numrit të lartë të personave që kanë humbur jetën në pak muaj, Policia ka shtuar kontrollet në këtë aks, duke penalizuar shoferët që tejkalojnë shpejtësinë e lejuar. Gjatë javës që po mbyllet janë regjistruar raste të mjeteve që lëvizin me 158 deri në 173 km/h, e për këtë arsye janë pezulluar 135 patenta. Lidhur me numrin e lartë të aksidenteve, Policia thotë shkak është shpejtësia dhe çmenduria në rrugë.