Qeveria nxori protokollin e kuq të masave higjieno-sanitare për biznesin fason në kohën e pandemisë së koronavirusit. Mes 27 pikave janë matja e temperaturës së punonjësve, me termometër infrared çdo ditë për temperatura me të larta se 37,5 gradë apo të shfaqjes së simptomave të tjera. Mbi këtë temperaturë asnjë nuk duhet të lejohet në subjekt. Nga ana tjetër, çdo punonjës është i detyruar t’i deklarojë administratorit dhe mjekut të ndërmarrjes nëse ka patur kontakt me persona të cilët rezultojnë apo kanë rezultuar pozitiv me COVID-19.