Plantacioni më i madh i kivit në Shqipëri gjendet në fshatin Mollas të Elbasanit. Shkëlqim Bullari së bashku me 2 vëllezërit e tij në vitin 2000 u kthye nga emigrimi. Dikur në plazhet e Greqisë shisnin ëmbëlsira ndërsa sot tregtojnë frutin ekzotik në Zvicër dhe Holandë. 7 hektarë tokë janë mbjellë me varietetin më të kërkuar në Europë të kivit. Sipas Shkëlqimit cilësia e lartë e këtij produkti nuk të lë në baltë për të siguruar tregun. Bashkimi bën fuqi,sipas Shkëlqimit nëse tre vëllezërit nuk do të investonin sëbashku paratë e fituara nga emigrimi, ata sot nuk do të kishin këtë pasuri. Familjes Bullari, bujqësia i ka siguruar të ardhura të kënaqshme.