Emisioni Fiks Fare solli rastin e një mësueseje në Koplik, e cila edhe pse nga një raport mjeko ligjor del me probleme të shëndetit mendor vazhdon të jap mësim. Mësuesja është bërë objekt hetimi nga Prokuroria e Rrethit Gjyqësor Shkodër pas një denoncimi që kanë bërë prindërit e një fëmije të klasës së tretë, për dhunë të ushtruar nga mësuesja. Organi i akuzës ka kërkuar vlerësimin psikiatrik të mësuese, e cila ka rezultuar me probleme të shëndetit mendor. Por vazhdon të shkojë çdo ditë në mësim. Jo vetëm aq , por kjo mësuese për vite me radhë nuk kishte dorëzuar raport aftësie në punë. Si drejtoria e shkollës ashtu e ZVA Koplik nuk marrin masa pasi shfajesohen se nuk ua përcakton ligji, ndërkohë që këtë teori e hedh poshtë Drejtoria Arsimore Rajonale Lezhë. Pas denoncimit të rastit nga emisioni Fiks Fare në DRAP Lezhë u pezullua mësuesja.