Reagimi i shteteve kryesore arabe ndaj "planit të paqes" në Lindjen e Mesme të Donald Trump, ishte ai i pranimit në heshtje. Duket se udhëheqësit e Egjiptit, Arabisë Saudite dhe Emirateve të Bashkuara Arabe më shpejt do të braktisnin palestinezët, thotë the Guardian, sesa të mërzisnin aleatin e tyre të madh kundër Iranit në Shtëpinë e Bardhë. Një lider rajonal megjithatë, u vecua nga të tjerët. Rexhep Tajip Erdoğan ishte i zemëruar me atë që e pa si një grabitje izraelite të mbështetur nga SHBA, dhe nuk ngurroi ta thoshte hapur. Erdogani, në pushtet tashme prej gati dy dekadash, e paraqet veten si një lider për të gjithë myslimanët. Por ndonëse mjaft popullore mes mbështetësve, politika e tij e rivendosjes dhe zgjerimit të ndikimit rajonal historik të Turqisë, sfida e hapur që I bëri Trumpit, ndërhyrjet në Siri e Libi apo bashkëpunimi me Rusinë dhe përplasjet e rregullta me BE-në, e kanë vënë në një kurs përplasjeje me perëndimin.