Afro 150 fëmijë të periferisë së Kavajës dhe fshatit Shtodhër udhëtojnë çdo ditë drejt shkollës së Helmasit, në fshatin Kazaz për të zhvilluar mësimin në orët e pasdites. Pas dëmtimeve të shumta nga tërmeti i 21 shtatorit, shkolla e fshatit Shtodhër, e ndërtuar në vitet ’90, u mbyll me premtimin se do t’i nënshtrohej rikonstruksionit. Brenda dhe jashtë saj, ka mure të çara, suva të rëna, por ndonwse ka kaluar më shumë se një muaj askush nuk është kujtuar për riparimin e saj.