Tuneli i rrugës së re Kardhiq-Delvinë merr zgjidhje. Me një vlerë prej 14.5 milionë euro, ky tunel do të ndërtohet nga firma me ofertën më të ulët me një vendim të komisionit të prokurimit publik. Prej një viti, kompania Gjoka Konstruksion kishte depozituar një ankesë, e cila u shqyrtua vetëm dy javë më pare, pasi Prokuroria e Posaçme kundër Korrupsionit dhe krimit të organizuar vendosi se ky proces nuk bie ndesh me hetimin e nisur ndaj kompanisë dhe ish-drejtueses së autoritetit rrugor, Sonila Qato. Kjo kompani e kallëzoi Qaton për shpërdorim detyrë dhe korrupsion pasiv në tenderin e rrugës Kardhiq-Delvinë, ku sipas kompanisë Gjoka që kishte dhënë ofertën më të ulët, ishte shpallur fitues një konsorcium me ofertë 4.2 milionë euro më të lartë. Autoriteti i rrugëve zbatoi vendimin e Komisonit të Prokurimit publik që tenderi t’i jepej kompanisë me ofertën më të ulët.