Kosova dhe Shqipëria u tronditën të hënën kur prokurorja artikuloi nga 45 vite burg për Hashim Thaçin, Kadri Veselin, Jakup Krasniqin dhe Rexhep Selimin. Gjyqi nisi më 3 prill 2023 ku u hap zyrtarisht procesi i Prokurorisë dhe palëve të viktimave. Prej 2020, katër ish liderët e UCK-së qëndrojnë në paraburgim në procesin më të kushtueshëm dhe më të gjatë të Gjykatës Speciale të krijuar nga vetë autoritetet në Kosovë, për të cilën vetë kryeministri aktual ka qenë kundër Katër liderët e UCK-së, akuzohen për vrasje, torturë, ndalim të paligjshëm, përndjekje dhe zhdukje të personave, të supozuara të kryera ndaj serbëve, romëve dhe shqiptarëve të dyshuar si bashkëpunëtorë apo kundërshtarë të UÇK. Ata vijojnë të qëndrojnë në parabarugim për shkak të akuzës së re që Prokuroria Speciale ngriti në 7 dhjetor 2024, atë të pengimit të drejtësisë dhe ndikimit tek dëshmitarët. Përmes 125 dëshmitarëve të saj Prokuroria Speciale u përpoq të tregonte se UCK ka funksionuar si një zinxhir i komanduar, por 7 dëshmitarët e mbrojtjes, ish zyrtarë të lartë nga Uesli Klark tek Rubin, dëshmuan se UCK nuk ka pasur strukturë komanduese. Politika në Kosovë dhe Shqipëri ka reaguar ndaj kërkesës së prokurorisë speciale për 45 vite burg për secilin prej liderëve të UCK-së, duke e cilësuar si një minim të luftës për liri të një populli. Këtë të mërkurë përfundoi dhe pala mbrojtëse ku avokati Lluka Mishetiq për rreth katër orë shpalosi deklaratën përmbyllëse duke theksuar se Hashim Thaçi është i pafajshëm. çafrë do të thotë kjo për Kosovën? A rrëzohet narrativa e aktakuzës? A ka përgjegjësi politike Kosova për krijimin e Gjykatës Speciale?