Mjeku i njohur anestezist-reanimator Aleksandër Hoxha, ka humbur betejën me covid 19, duke shtuar më tej humbjet në radhët e bluzave të bardha gjatë pandemisë . Për ndarjen nga jeta të mjekut kanë reaguar edhe kolegët e tij duke shprehur dhimbjen për këtë humbje. Një ndër këto reagime ishte edhe ai i Ish-ministrit të Shëndetësisë, Tritan Shehu i cili vlerëson kolegun e tij për profesinlaizmin dhe përkushimin në punë, por duke vënë theksin se luftoi me virusin në një terern shëndetësor të pabarabartë. “ Leka, i cili që në rini të “njome” provoi mbi kurriz te gjithe cinizmin e atij regjimi, arriti më tëj të behët një nga anestezistët, pedagogët, lektorët, më të spikatur të vendit tonë, një nga kolegët e bashkëpuntorët më të vlefshëm për të gjithë ne, edhe për mua", shprehet Shehu në postimin e tij. Ndërkaq edhe universiteti i Mjekësisë vlerëson se largimi nga jeta i Prof. Aleksander Hoxhës lë pas një humbje të madhe për familjen, koleget, studentet, pacientet e shumte. Mjeku Aleksandër Hoxha punonte prej 30 vitesh si anestezis Reanimator, duke konribuar në shërbimin e kardiokuirurgjisë dhe të neuurokirurgjisë. Ai ishte aktiv deri para se të sëmurej dhe leksionet e tij të fundit për studentët e mjekësisë gjende ende online.