Java e parë pas zgjedhjeve e gjen Sali Berishës në SPAK, ku do të përballet me akuzën për korrupsion pasiv në dosjen "Partizani". Vendimi u dha tetë muaj pasi palët kundërshtuan njëra-tjetrën. Avokatët e ish-kryeministrit kërkuan pushimin e çështjes, ndërsa SPAK nga ana tjetër këmbëngul se Berisha është korruptuar nga dhëndri i tij, për të nxjerrë ligje në favor të familjeve pronare të kompleksit "Partizani". Ndërsa numërimi i votës së Diasporës vijon për disa qarqe i vetmi i besuar në garë nga demokratët ka mbetur mjeku Ilir Alimehmeti. Ai ishte i vetmi që kishte shansin të merrte mandatin në Kuvend por me një diferencë të ngushtë votash humbi ndaj koleges së tij Jorida Tabaku. Alimehmeti ka pasur dyshimet e tij për procesin e numërimit dhe për këtë i ka kërkuar pamjet filmike Komisionit Qendror të Zgjedhjeve.